اعزرونى

اعزرونى لو خرجت تلك التدوينة بشكل سيئ لان ما حدث هو انى مسكت القلم اشباعا فى رغبتى فى الكتابة وبدات اكتب و حقيقا لا اعرف ماالذى ساكتبه
حسنا ساكتب عن ما اشعر به من مشاكل بداخلى :
انا كاى شاب اشعر بضغوط
ضغط الامتحانات / ضغط الامانى والامال /الضغوط الاجتماعية
اما ضغط الامتحانات فمعروف
وضغط الامانى والامال فهو الضغط الناتج عن الرغبة فى تحقيق امانى يصعب او يطول تحقيقها اما لاسباب نفسية او مادية
فقط الان اشعر وكانى لا اتحدث عن نفسى عن محمد ((عياش)) بل اتحدث عن قطاع كبير من الشباب
الاسباب النفسية ناتجة عن الحالة الاجتماعية السيئة المتمثلة فى احساسى بتفضيل والداى لاخوتى، الموضوع دا تاعبنى جدا ومش عارف اعمل ايه........... اتجاهل الموضوع وامضى قدما فى تحقيق اهدافى دا الخيار اللى تبنيته بس احساسى دا برده بيفضل يقتلنى ببطئ

والاسباب المادية وهى عقبة فى طريق كل الشباب ولحلها طبعا ينبغى على العمل وانا لازلت طالب فقط استطيع العمل فى شهور الصيف وهذا ما افعله ولكن كم اجنى؟

سؤال يعرف اجابته من يشاركنى الهم نفسه وحتى ان استطعت جمع مبلغا ما لا استطيع حماية اموالى من فيروس الانفاق على الحاجيات الشبابية الاساسية
عايزكم تلاحظوا حاجة فى الكلام اللى كتبته فوق ده

هى ان كل دى عبارة عن هموم شخصية تمثل منغصات حياة لشاب
يعنى دى مشاكلى انا لوحدى ، وطبعا لا استطيع التحدث عن تحرير الاقصى ولا عن سداد ديون مصر ولا عن الارتقاء بمستوى الامة
لانى لو فعلت لاستحقيت لقب فشار مع مرتبة الشرف।

لان واحد زى عنده مشاكل وهموم مش عارف يحلها ازاى يتكلم عن مشاكل وهموم قومية

ومن الاخر اللى عايز اقوله من الاربع خمس اسطر السابقين او ما اردت ان اوصله لكم هو ان حكومات دولنا لازم تحل مشاكلنا لو كانوا فعلا مستنين من جيلنا انه عمل حاجة او يحقق شئ
طبعا انتوا لما قريتوا السطر ونص اللى فوق دول عرفتوا ان مدونكم عياش يطلق نداءا من مالطه قد يتسبب فى تفجير حنجرته خصوصا موضوع الحكومة ده

طب ايه الحل نفضل فى همومنا لغاية ما نصحى نلاقى اسرائيل من النيل للفرات
انا بجد مش عارف - هل انتوا عارفين
على فكرة الجملة اللى فوق دى مش لجلب التعليقات بس انا بجد مش عارف